وسويت قرعه بين وصلك وفرقاك..

ممداك تنساني ولاامداني انسـاك
............. ماغبـت عنـك الاثلاثـة ليالـي
ان قلتلـي يمديـك والله ممـداك
............. مسرعك تجفاني وتبعـد مجالـي
ثلاث مرنـي بذكـرك وطريـاك
............. وحطن طيوفك بين فكري وبالـي
وقامت تسوق الشوق منا ومنـاك
............. ومن سبتك واللي جراله جرالـي
اتلا العهد بك يوم صافحت يمناك
............. وحلفتني لاقطع حبـال الوصالـي
وانا على حلفك وعرفك ومعنـاك
............. واثرك علـى ماقيـل يالهملالـي
رحت اتخيل نور طللًـت محيـاك
............. ورسم وابروز صورتك في خيالي
سلبتني عقلي وانا وافـي ادراك
............. وتقول مالي راس ياراس مالـي
تبت ايدين الشك جابـك وواداك
............. وخلاك تتركنـي وحيد(ن)لحالـي
مازان فالك لين شانـت نوايـاك
............. وان قمت ازيًن نيتي شان فالـي
مدري غشاك الكبر يومني اهواك
............. ولا مرافق لـك حبيب(ن)بدالـي
اللي على لساني وصلك وتعـداك
............. واللي بصدري كلمة(ن)ماتقالـي
ازايم اللوعـات وقـول تفـداك
............. ياكثر ماشالـت قلـوب الرجالـي
الله يساعدني على طـي ذكـراك
............. يلي تراودنـي علـى ماطرالـي
وسويت قرعه بين وصلك وفرقاك
............. ورست على فرقاك ولانت غالـي

تحيـآآأتــي::

ثتــآأر بوكثيــهـ عثــل ..